Sandvolleyball: Mol/Berntsen til kvartfinale
Anders Mol og Christian Sørum er i kvartfinalen i verdsserien i sandvolleyball i Mexico etter 2-1-siger over USAs Nicholas Lucena og Philip Dalhausser.
Den norske duoen vann åttedelsfinalen etter settsiffera 21-15, 15-21, 15–12. Måndag kveld skal dei ut i kvartfinale mot brasilianarane Gustavo Carvalhaes/Arthur Mariano.
Turneringa er den første nordmennene speler på halvtanna år. Mol har slite med skade i fleire månader.
Medan Mol og Sørum vann innleiingsgruppa si, enda Mathias Berntsen og Henrik Mol sist i gruppa si. Dei er dermed ute av verdsserieturneringa i mexicanske Cancun.
Dette er den første av tre turneringar på rappen i Cancun. Dei blir gjennomførte i ein smittevernboble.
(©NPK)
Anders Mol og Christian Sørum under verdsserieturneringa i sandvolleyball i Cancun, Mexico. Foto: Alejandro Gutiérrez Mora / FIVB / NTB.
