Senatorar heldt minneseremoni for Floyd
Demokratiske senatorar heldt torsdag ein minneseremoni for George Floyd på Capitol Hill.
– La oss heidre dei døde ved å verne alle som lever, sa senator Cory Booker.
Før dette var senatorane stille i nesten 9 minutt. Dette var like lenge som Floyd låg på bakken med eit kne pressa mot nakken før han døydde under arrestasjonen i Minneapolis førre veke.
Blant dei som deltok under seremonien, var Kamala Harris og Demokratanes leiar i Senatet, Chuck Schumer.
(©NPK)
Fleire av dei demokratiske senatorane knelte på golvet medan dei var stille i nesten ni minutt under seremonien på Capitol Hill. Foto: Susan Walsh / AP / NTB scanpix
Senatorane Kamala Harris, Chuck Schumer og Cory Booker (t.h.) under seremonien som vart halden i eit besøkssenter tilknytt Kongressen på Capitol Hill. Foto: Susan Walsh / AP / NTB scanpix
