Sigrid nesten til topps på britisk albumliste

Sigrid Solbakk Raabe skriv norsk musikkhistorie når ho med albumet «How To Let Go» hamnar på andreplass på den britiske albumlista.

– Dette er berre megastas. Eg er kjempestolt og glad, skriv Raabe til VG.

Før Sigrid er det berre den største norske popgruppa i historia, a-ha, som har greidd å få ei like bra plassering. Dei tre første albuma deira gjekk alle til andreplass i perioden 1985 til 1988.

Sigrids første album, «Sucker Punch», nådde fjerdeplass då det vart sleppt i 2019.

Storbritannia er den tredje største musikkmarknaden i verda, etter USA og Japan.

(©NPK)

Sigrid hamnar på andreplass på den britisk albumlista. I 2019 opptredde ho på Spellemannprisen. Foto: Fredrik Hagen / NTB

ANNONSE
Annonse
ANNONSE
Annonse