Nordre

Sjøfartsdirektør Akselsen blir behandla for kreft

Sjøfartsdirektør Olav Akselsen skal behandlast for hjernesvulst og er sjukmeldt. Lars Alvestad vil fungere som sjøfartsdirektør inntil vidare.

Det opplyser Sjøfartsdirektoratet måndag. Akselsen skal gjennom ein krevande behandlingsperiode.

- Dette var ein tøff beskjed å få, først og fremst for Olav og familien, men òg for oss kollegaer. Vi veit han har gode folk rundt seg, og vi ser fram til å ha han tilbake i Sjøfartsdirektoratet etter kvart, seier kommunikasjonsdirektør Dag Inge Aarhus.

Olav Akselsen (53) har bakgrunn som politikar for Arbeidarpartiet og var valt inn på Stortinget frå 1989 til 2009. Han var olje- og energiminister frå mars 2000 til oktober 2001.

(©NPK)

ANNONSE
Annonse
ANNONSE
Annonse