Nordre

Skadelege mengder kolos funne i Salas blod etter styrt

Både Emiliano Sala og piloten David Ibbotson var eksponert for giftig gass før flyet deira styrta i januar.

Det kjem fram av rapportar frå Air Accident Investigation Branch (AAIB), som har granska ulykka. Det skriv fleire internasjonale medium onsdag.

21. januar styrta flyet til Emiliano Sala og piloten David Ibbotson, som var på veg til Cardiff, der Sala hadde signert.

- Både familien og offentlegheita ønsker å vite korleis karbonmonoksid (kolos) kom seg inn i kabinen. Det er òg viktig for framtidig flysikkerheit å finne ut mest mogleg om dette, har advokaten til Sala-familien Daniel Machover tidlegare uttalt.

Både Sala og piloten var utsett for farlege nivå av kolos før flyet styrta. Nivået på dei to var på 58 prosent, og eit nivå på meir enn 50 prosent blir vurderte generelt som potensielt dødeleg hos ein vanleg person.

Likte til Ibbotson er ikkje funne, men ifølgje AAIB er det òg høgst sannsynleg at piloten fekk denne mengda kolos i blodet.

(©NPK)

Emiliano Sala døydde etter styrten 21. januar. Foto: David Vincent, File/AP Photo/NTB scanpix.

ANNONSE
Annonse
ANNONSE
Annonse