Nordre

Skarvøy blir politisk journalist i TV 2

Han slutta i VG etter Bar Vulkan-saka. No er Lars Joakim Skarvøy (30) tilsett som politisk journalist i TV 2.

Skarvøy tiltrer 5. oktober, melder Medier24.
– Vi har tilsett Lars Joakim fordi han har teft, samfunnsforståing og solid erfaring. Vi meiner han vil bidra til å styrkje den politiske journalistikken i TV 2. I sine ni år i VG viste han at han er blant Noreg leiande politisk journalistar, seier TV 2s nyheitsredaktør Karianne Solbrække.
Skarvøy var sentral i den mykje omtalte Bar Vulkan-saka i 2019, som enda med at VG vart felt i PFU og Skarvøy slutta som journalist i avisa.
– Eg forstår at tilsetjinga kan oppfattast som kontroversiell. Derfor har vi òg gått mange rundar med han. Det er gått eitt og eit halvt år sidan det skjedde, og feila han gjorde i Sofie-saka har ikkje endra på det han har prestert tidlegare i det journalistiske virket sitt, seier Solbrække.
Etter at han slutta i VG, har Skarvøy jobba som prosjektleiar i Schibsted-systemet.
EMBED START Image Lars Joakim Skarvøy (framme), her på jobb som politisk journalist i VG. Foto: Håkon Mosvold Larsen / NTB EMBED END Image(©NPK)

ANNONSE
Annonse
ANNONSE
Annonse