Nordre

ANNONSE
Annonse

Skiorientering: Moholdt trippelmeister då Noreg vann EM-stafetten

Lars Moholdt gjekk Noreg inn til gull under stafetten i EM i skiorientering måndag. Samtidig tok han det tredje gullet sitt i meisterskapet.

Med seg på det norske laget hadde han Jørgen Baklid og Jørgen Madslien.

Moholdt var norsk ankermann og hadde i mål eit forsprang på 13 sekund til sølvvinnar Russland. Sverige på bronseplass var slått med eitt minutt og 48 sekund.

Moholdt vart EM-konge med gull både på sprinten og langdistansen under meisterskapet i Tyrkia. På mellomdistansen vart det sølv.

Russland vart europameistrar i stafett for kvinner framfor Sverige og Finland måndag. Noreg stilte ikkje lag på kvinnesida.

Noreg tok også bronse i sprintstafetten i Sarikamis. Der gjekk Madslien saman med Evine Westli Andersen.

(©NPK)

Lars Moholdt vart den store løparen under EM i skiorientering. Foto: Norges Orienteringsforbund / NTB scanpix

ANNONSE
Annonse
ANNONSE
Annonse