Nordre

Skistad sette verdsrekord på 100 meter langrennssprint

Kristine Stavås Skistad klinka til og gjekk 100-meteren på 12,36 sekund i eit showrenn på Hafjell fredag. Det er verdsrekord for kvinner.

Den lovande langrennsløparen har allereie vist i verdscupen at ho er lynrask. Ho hadde òg planar om å slå Marte Nordlundes verdsrekord då ho stilte til start.

- Det er viktig. Eg håpte på det då eg kom, og eg ville ikkje vore fornøgd om eg ikkje fekk han, sa Skistad til TV 2 om verdsrekorden.

Ho vann elles finalen før nettopp Nordlunde.

I finalen til mennene var det ikkje uventa verdsrekordhaldar Ludvig Jensen som vann. Han gjekk 100-meteren på 11,22 sekund, som er snautt to tidels sekund bak hans eigen rekord.

(©NPK)

Kristine Stavås Skistad sette verdsrekord på 100 meter langrennssprint på Hafjell. Foto: Terje Pedersen / NTB scanpix

ANNONSE
Annonse
ANNONSE
Annonse