Nordre

Skotsk domstol seier suspensjonen av Parlamentet er ulovleg

Ein skotsk ankedomstol meiner suspensjonen til den britiske regjeringa av Parlamentet er i strid med lova, men gir ikkje ordre om på oppheve suspensjonen.

Dei tre dommarane sette onsdag formiddag til side ei rettsavgjerd om at rettsvesenet ikkje har myndigheit til å blande seg inn i statsminister Boris Johnsons politiske avgjerd om å suspendere nasjonalforsamlinga, skriv The Guardian.

75 parlamentarikarar står bak saka som verserer i det skotske rettsvesenet. Dei meiner den fem veker lange suspensjonen er grunnlovsstridig og er meint å hindre Parlamentet i å debattere og handle i brexitstriden.

Den britiske regjeringa vil anke den seinaste avgjerda. Han går imot ei rettsavgjerd engelske dommarar kom med førre veke. Dei konkluderte i Johnsons favør.

Britisk høgsterett har planlagt ei felles behandling av sakene frå Skottland og England, og dessutan ei sak frå Nord-Irland, førstkommande tysdag. Skottland beheldt sitt eige rettsvesen etter samanslåinga med England og Wales i 1707, men Storbritannias høgsterett er øvste rettsinstans i sivile saker for heile kongeriket.

(©NPK)

Den juridiske tautrekkinga om brexit fortset med ei ny rettsavgjerd i Skottland onsdag. Arkivfoto: François Mori / AP / NTB scanpix

ANNONSE
Annonse
ANNONSE
Annonse