Søderlund skadd på trening - usikker til avgjerande meisterligakamp
Spissen til Rosenborg, Alexander Søderlund, hinka av trening tysdag og er usikker før 2. kvalifiseringsrunde i meisterligaen mot BATE Borisov.
Det melder VG. Med eit drygt kvarter igjen av treninga på tysdag måtte Søderlund gå av banen. Spissen heldt seg til ankelen.
- Han er usikker til kampen i morgon. Vi må ta nokre vurderingar på han gjennom ettermiddagen, så får vi sjå, sa Rosenborg-trenar Eirik Horneland på pressekonferansen.
Sidan Nicklas Bendtner har fått liten tillit av trenar Eirik Horneland, står klubben igjen med 19 år gamle Erik Botheim som einaste naturlege spissalternativ.
Til liks med laget har Søderlunds form peika oppover den siste tida. 31-åringen fekk hol på byllen i trønderderbyet mot Ranheim og følgde opp med scoring mot Linfield og to mot Viking. Han står med fem mål på 14 ligakampar så langt.
Midtbanespelaren Marius Lundemo er stadfesta utilgjengeleg til den viktige returkampen på Lerkendal.
(©NPK)
Rosenborg sin Alexander Søderlund kan måtte stå over den viktige kampen mot BATE Borisov på onsdag.
Foto: Rune Stoltz Bertinussen / NTB scanpix
