Son av dansk IS-medlem blir henta heim til Danmark
Ein 11 månader gammal gut blir henta heim til Danmark etter å ha sete i al-Hol-leiren i Syria. Mora døydde i eit luftangrep i mars.
Det er første gong eit barn av foreldre som hadde slutta seg til IS, blir henta til Danmark. Faren til guten, som er frå Somalia, skal òg ha vorte drepen i Syria.
Utanriksdepartementet stadfestar at den foreldrelause guten er evakuert til eit tredjeland.
- Evakueringa vart gjennomført av ein dansk delegasjon leidd av ein representant for Utanriksdepartementet, skriv departementet i ein e-post.
Guten skal ha vore svært underernært, og ifølgje dansk TV 2 stod det om livet for han. Det skal vere mormora og morfaren til guten som skal overta omsorga.
Det sit om lag tolv vaksne danske statsborgarar i leirane al-Hol og al-Roj i Syria, opplyste danske styresmakter førre veke. I tillegg er det 30 barn av foreldre som er eller har vore danske statsborgarar.
(©NPK)