Statsministeren varslar tale til nasjonen om koronasituasjonen
Statsminister Erna Solberg (H) skal søndag halde ein tale til folket. Bakgrunnen er at det snart er eitt år sidan nedstenginga 12. mars.
Talen held ho søndag klokka 18, opplyser Statsministerens kontor i ei pressemelding.
– Statsminister Erna Solberg taler om koronasituasjonen i samband med at det snart er eitt år sidan Noreg sette i verk dei første inngripande tiltaka i koronapandemien, heiter det.
Den siste tida har smitten teke seg opp igjen i Noreg etter at den britiske mutasjonen av koronaviruset har bite seg fast. Regjeringa har varsla nye nasjonale tiltak neste veke, altså eitt år etter at pandemien for alvor byrja å herje.
Også 18. mars i fjor heldt statsministeren ein tale om koronasituasjonen.
– Ingen i min generasjon har opplevd at landet vårt har så store utfordringar som vi saman står i no, sa Solberg den gongen.
(©NPK)
Statsminister Erna Solberg (H) varslar tale om koronasituasjonen.
Foto: Heiko Junge / NTB
