Stavanger vil truleg krevje avtale for sparkesykkel-utleigarar
Det politiske fleirtalet i Stavanger vil ta imot alle som ønsker å leige ut elektriske sparkesyklar på kommunal grunn - men berre etter avtale.
Dermed vender fleirtalspartia tommelen ned for oppfordringa frå administrasjonen om berre å tillate utleige frå éin aktør. Det er Høgre, Framstegspartiet, Venstre, Kristeleg Folkeparti, Senterpartiet og Pensjonistpartiet som stiller seg bak forslaget, ifølgje Stavanger Aftenblad.
Alle er velkomne til å drive utleige av elsparkesyklar, så framt dei har avtale med kommunen før dei set i gang. Høgres Aleksander Stokkebø meiner elsparkesyklar er «eit genialt, miljøvennleg transportmiddel».
Ifølgje forslaget må utleigar ha avtale med kommunen for å kunne leige ut elsparkesyklar.
(©NPK)
Illustrasjonsfoto: Fredrik Hagen / NTB scanpix