Nordre

Stenseth og Klæbo best i langrennssprint

Ane Appelkvist Stenseth og Johannes Høsflot Klæbo vann langrennssprinten under Toppidrettsveka fredag.

Det vart konkurrert i klassisk stil. Stenseth fekk Tiril Udnes Weng og Lotte Udnes Weng nærast seg.

Storstjerna Klæbo vann føre Pål Trøan Aune og Thomas Helland Larsen. Klæbo var best også i heatet sitt i kvart- og semifinale.

Tidlegare fredag hadde arrangøren hatt ein tung periode. Fleire av løparane i distanserenna fekk trøbbel på grunn av feil med utstyret.

Bakgrunnen er at ei rekke utøvarar måtte bryte løpet som følgje av skiproblem. Ein del av rulleskipara som vart delt ut var defekte, og dette førte mellom anna til at stjerner som Frida Karlsson og Aleksandr Bolsjunov fall under løpet.

(©NPK)

Johannes Høsflot Klæbo vann langrennssprinten fredag i Toppidrettsveka. Foto: Ned Alley / NTB scanpix

ANNONSE
Annonse
ANNONSE
Annonse