Sterk vekeavslutning på Oslo Børs
Med oljeselskap som Equinor og Aker BP i spissen fekk Oslo Børs ei sterk avslutning på handelsveka. Hovudindeksen enda på 853,84 poeng, opp 1,7 prosent.
Equinor var som nesten alltid mest omsett, og aksjekursen styrkte seg 2,1 prosent.
Aker BP fortsette oppgangen frå torsdag, då selskapet presenterte ei positiv utvikling for 2018, store vekstambisjonar og reduserte produksjonskostnader i åra som kjem. Fredag auka kursen med 3,8 prosent, og hittil i år har oppgangen vore over 32 prosent.
Ein positiv fredag var det òg for Mowi (+2,6), DNB (2,2), Yara International (+0,2), Ake (+4,5) og Subsea 7 (+2,2). Telenor-aksjen enda omtrent uendra. Norwegian var blant vinnarane, med ein oppgang på 4,9 prosent, men aksjen enda omtrent uendra veka sett under eitt.
Blant dei 25 mest omsette selskapa på hovudindeksen var det berre Norsk Hydro som hadde nedgang, og det med 0,3 prosent.
Ute i Europa var stemninga minst like god som i Oslo. I Paris heva CAC 40-indeksen seg med 1,8. FTSE 100 i London og DAX 30 i Frankfurt steig med høvesvis 2,0 og 2,7 prosent.
Nordsjøolje vart ved 17.30-tida fredag ettermiddag omsett for 62,53 dollar fatet. Auken frå nivået natt til fredag var 2,3 prosent, der den sterkaste auken kom frå 15-tida og utover.
(©NPK)
Til no i år har hovudindeksen ved Oslo Børs auka 6,8 prosent. Illustrasjonsfoto: Erik Johansen / NTB scanpix
