Sterk vekeslutt sende børsen over 900 poeng
Oppgang for dei fleste av dei store selskapa gjorde sitt til at Oslo Børs enda handelsveka med ein oppgang på 1,1 prosent. Hovudindeksen enda på 900,55 poeng.
Prisen på nordsjøolje auka jamt gjennom dagen, og fredag ettermiddag vart olja omsett for 80,48 dollar fatet - ein oppgang på 1,5 prosent frå natta før.
Equinor var som nesten alltid den meste omsette aksjen, og den steig 2,1 prosent. Oppover gjekk det òg for Yara International (+1,9), Aker BP (+4,1), DNB (+1,3), Marine Harvest (+1,4), Telenor (+1,7), Norsk Hydro (+0,8) og Lerøy Seafood Group (+3,7).
Blant dei ti mest omsette selskapa var det berre Subsea 7 (-1,3) og PGS (-3,5) som hadde nedgang.
Ute i Europa var stemninga delt. I London steig FTSE 100-indeksen 0,4 prosent, mens Dax 30 i Frankfurt og CAC 40 i Paris fall med høvesvis 0,2 og 0,4 prosent.
Den siste veka har hovudindeksen i Oslo heva seg 0,8 prosent. Det siste året har oppgangen vore på vel 14 prosent.
(©NPK)
Den siste veka har hovudindeksen på Oslo Børs heva seg 0,8 prosent. Illustrasjonsfoto: Erik Johansen / NTB scanpix
