Nordre

Storbritannia med største forsvarsinvestering på 30 år

Statsminister Boris Johnson offentleggjer torsdag den største investeringa i det britiske forsvaret sidan den kalde krigen.

I ein tale i Parlamentet er det venta at Johnson vil kunngjere ein ekstraløyving på 16,5 milliardar pund, nærare 200 milliardar norske kroner, over dei neste fire åra.

Avgjerda følgjer eit valløfte frå det konservative partiet om på auke forsvarsbudsjettet med 0,5 prosent over inflasjonsmålet fram til 2025.

Statsministerens kontor i Downing Street opplyser at pengebruken vil «stadfeste Storbritannias posisjon som landet som brukar mest pengar på forsvar i EU og nest mest i Nato».

Den auka løyvinga kjem samtidig som den britiske økonomien er hardt ramma av koronapandemien, som også har ført til at styresmaktene har brukt enorme summar på støtte til innbyggjarar og bedrifter.

– Eg har teke denne avgjerda fordi forsvaret av kongeriket kjem først, seier Johnson i ei fråsegn offentleggjort før talen torsdag.

Dei auka løyvingane skal gå til investering i ny teknologi, som cyber- og romforsvar, og dei skal òg brukast til å rette opp svakheiter i det britiske forsvaret, opplyser Downing Street.

(©NPK)

Foto: Matt Dunham / AP / NTB

ANNONSE
Annonse