Nordre

Støre fell i popularitet hos eigne veljarar

Ap-leiar Jonas Gahr Støre får støtte frå snautt ein av tre av veljarane til partiet på ei ny måling. Samtidig stig oppslutninga om Erna Solberg.

I ei måling som Ipsos har gjort for Dagbladet kjem det fram at oppslutninga om Støre blant eigne veljarar er nede i 29 prosent. Det er så vidt over oppslutninga han fekk i heile befolkninga, uavhengig av partipreferanse, før valet for tre år sidan. I januar hadde Arbeiderparti-leiaren ei oppslutning på 36 prosent blant eigne veljarar.

Erna Solberg kan på si side smykke seg med at 76 prosent av Høgre-veljarane ønskjer henne som statsminister. I heile befolkninga er det 34 prosent som svarer at det er henne dei vil ha til å styre landet.

For Støre svarer berre 10 prosent av dei spurde i mai at dei meiner han er best eigna til å vere statsminister.

– Eg trur ikkje dette biletet vil vere situasjonen ved neste val. Vi har lagt bak oss fire ekstraordinære månader der koronasituasjonen har vore definerande, seier Støre i ein kommentar til avisa.

(©NPK)

Leiar for Arbeidarpartiet, Jonas Gahr Støre mistar popularitet i forhold til statsminister Erna Solberg på ei måling for Dagbladet, men Støre trur bildet vil endre seg ved valet neste år. Foto: Stian Lysberg Solum / NTB scanpix

ANNONSE
Annonse
ANNONSE
Annonse