Store problem med BankID
Det er store problem med innlogging med BankID. Feilen er framleis ikkje retta.
Kommunikasjonssjef i BankID og Vipps, Hanne Kjærnes, stadfesta ved 11.45-tida overfor VG at det var store problem med innlogging med BankID. Rundt halvparten av brukarane opplever at innlogging ikkje fungerer.
Klokka 14.45 stadfestar ho overfor same avis at det framleis er driftsproblem.
– BankID på mobil fungerer som normalt, så vi tilrår at ein bruker det i staden viss ein må logge seg inn. Vi har sjølvsagt alt fokus på å få retta feilen så fort som i det heile mogleg, seier Kjærnes.
(©NPK)
