Største handelsunderskot i USA på ti år

USAs handelsunderskot i oktober var det største på ti år, trass forsøket til Donald Trump på å snu utviklinga.

Rekordstor import bidrog til at handelsunderskotet denne haustmånaden vart på 55,5 milliardar dollar. Det opplyste det amerikanske næringsdepartementet torsdag.

Underskotet steig for femte gong på rad og var i oktober det største sidan same månad i 2008.

USAs underskot i varehandelen med Kina steig med 7,1 prosent til 43,1 milliardar dollar, noko som er ny rekord. Òg underskotet i handelstilhøvet til EU gjekk opp.

Å redusere handelsunderskotet var eit viktig valkampløfte for Donald Trump i 2016. Han har som president starta handelskonfliktar med Kina og ei rekke andre land, delvis som eit forsøk på å betre handelsbalansen.

(©NPK)

Ein arbeidar i sving på ein General Motors-fabrikk i delstaten Michigan. Illustrasjonsfoto: Paul Sancya / AP / NTB scanpix

ANNONSE
Annonse