Stortinget ber politikarar byte ut mobiltelefonane sine i kjølvatnet av spionasjesaka
Stortinget ber politikarane som har kontor rett ved salen der den spionmistenkte russaren deltok på seminar førre veke, om å byte ut mobilen sin, ifølgje NRK.
I kontora som ligg rett utanfor kinosalen i Stortinget, held Arbeidarpartiets forsvarspolitikarar til. Desse er no bedne om å byte ut mobilutstyret sitt som følgje av spionmistanken, ifølgje NRK.
Det skjer på grunn av frykt for at den spionmistenkte russaren kan ha utført sporing eller innbrotsforsøk i mobiltelefonane.
Representantar for Arbeidarpartiet har ikkje ønskt å kommentere saka overfor NRK.
(©NPK)
Arkivfoto: Heiko Junge / NTB scanpix
