Strøm Eriksen med sjetteplass i telemarkskøyring

I rennet til mennene køyrde Trym Nygård Løken ut, men Jacob Alveberg vart diskvalifisert i finaleomgangen. Rennet vart vunne av heimehåpet Bastien Dayer frå Sveits. Han var 2,30 sekund føre Elie Nabot og 7,26 framfor Theo Sillon. Begge frå Frankrike.

I kvinneklassen vart det òg sveitsisk siger med Martina Wyss som beste utøvar. Ho var 7,6 sekund føre britiske Jasmin Taylor. Ella Strøm Eriksen enda 13,36 sekund bak vinnaren.

Emma Araldsen enda på 13.-plassen, medan Gøril Strøm Eriksen køyrde ut i 1. omgang. Det er klassisk telemark på programmet fredag.

(©NPK)

Telemarkskøyraren Ella Strøm Eriksen køyrde ned til sjetteplassen på sprinten i verdscupen torsdag. Foto: Terje Pedersen / NTB