Studentar frå EU-land i Storbritannia halvert etter brexit
Talet på studentar frå EU-land ved britiske universitet har meir enn halvert seg etter Storbritannias utmelding av EU som tredde i kraft i 2021.
Årsaka er at brexit har gjort det dyrare for EU-borgarar å studere der, melder The Guardian.
Avgjerda om å forlate EU har ført til at gode som bustadstøtte og studiefinansiering, ikkje lenger er tilgjengeleg for nykomne studentar frå EU-land, skriv avisa.
Det er særleg studentar frå Italia, Tyskland og Frankrike som har slutta å søkje seg til britiske universitet.
– Den store nedgangen som blir vist i oppmeldingar for førsteårsstudentar frå EU, kan skuldast endringar i avgiftsgrunnlag, skriv statistikkbyrået for høgare utdanning (HESA) i ein rapport.
Før brexit betalte studentar bustadavgifter på rundt 9.000 pund årleg og kunne i tillegg søkje om støtte til studiefinansiering. Etter brexit har avgiftene stige til 38.000 pund årleg.
Talet på studentar frå EU som melde seg opp til det første året av eit bachelor- eller masterprogram, var på 31.000 i 2021. I 2020, året før brexit tredde i kraft, var talet 66.680.
(©NPK)
TAlet på studentar frå EU-land ved universitet i Storbritannia har sokke betrakteleg etter brexit. Foto: Alastair Grant / AP /NTB
