Sundnes fekk LO-toppjobb
Handel og Kontor-leiar Trine Lise Sundnes er tilsett som sjef for LOs internasjonale avdeling.
Sundnes byrjar i den nye stillinga 1. april neste år. LO-leiar Hans-Christian Gabrielsen er glad for at ho vender tilbake til LO.
– Ho gjorde ein formidabel innsats då ho sat i LO-leiinga, ikkje minst på det internasjonale området, som Nordens representant i styret til ILO, FNs internasjonale arbeidsorganisasjon, seier Gabrielsen.
Sundnes var ein del av LOs valde leiing i perioden 2001–2013 før overgangen til Handel og Kontor.
– Internasjonalt arbeid har alltid engasjert meg, og i dagens globaliserte verd blir internasjonal solidaritet og arbeidet til fagrørsla for demokrati, faglege rettar og sømeleg arbeid stadig viktigare, seier ho.
(©NPK)
Leiar i Handel og Kontor i LO, Trine Lise Sundnes, blir ny leiar for LOs internasjonale arbeid.
Foto: Vidar Ruud / NTB scanpix