Super-G: Mowinckel på 5.-plass i Val Gardena
Ilka Stuhec frå Slovenia vann verdscuprennet i super-G i Val Gardena onsdag. Ragnhild Mowinckel vart beste norske kvinne på 5.-plass.
Stuhec vann også utforrennet tysdag same stad. Onsdag følgde ho opp med siger trass i ein stor feil midt i løypa.
Slovenaren leidde på det meste med 0,39 sekund, men tapte ein del tid. I mål var ho fem hundredels sekund føre austerrikske Nicole Schmidhofer og Tina Weirather frå Liechtenstein.
Ragnhild Mowinckel var 0,45 sekund bak midt i løypa, men starta å ete seg innpå frå midten og ned. I mål køyrde ho inn til ein førebels 4.-plass frå startnummer 15.
Då dei raskaste var i mål, var ho nede på 5.-plass.
(©NPK)
Ragnhild Mowinckel køyrde ned til ein 5.-plass super-G-rennet i Val Gardena onsdag. Foto: Alessandro Trovati / AP / NTB scanpix.