Svak nedgang i talet på arbeidssøkjarar førre veke

Tysdag var det 195.800 heilt ledige, delvis ledige og arbeidssøkjarar på tiltak hos Nav. Det er 500 færre enn førre veke, tilsvarande 0,3 prosent.

– Denne veka har talet på arbeidssøkjarar gått litt ned igjen etter å ha auka førre månad. I første halvdel av november var det mange som vart permitterte som følgje av strengare smitteverntiltak mellom anna i Oslo og Bergen. Dei siste to vekene er det færre som har vorte permitterte, seier arbeids- og velferdsdirektør Hans Christian Holte i ei pressemelding.

(©NPK)

Annonse
Annonse