Nordre

Svensk tannlege trekte alle tennene til ein pasient

Ein svensk tannlege i Malmö er meld for å ha trekt alle 22 tenner på ein pasient, men det var berre grunn til å trekke fem av dei.

Tannlegen skal ha trekt unødvendig mange tenner og brukt overdrive mykje lokalbedøving på fleire ulike pasientar, ifølgje ei gransking frå det svenske helsetilsynet.

Tilfella vart granska etter at fleire pasientar melde tannlegen, skriv Skånska Dagbladet.

Det var i eitt av tilfella at tannlegen skal ha trekt alle 22 tenner på ein pasient.

Tannlegen skal ved fleire høve ha trekt tenner, sjølv når det ikkje var grunn til det. Han skal i tillegg ha overskride den lovlege dosen med lokalbedøving på fleire pasientar. I eit tilfelle vart det brukt 30 ampullar av eit preparat der den høgaste tillatne dosen er 13.

Det svenske helsetilsynet foreslår at tannlegen blir fråtatt autorisasjonen sin.

(©NPK)

Ein svensk tannlege skal ha trekt unødvendig mange tenner på fleire pasientar, i tillegg til å ha brukt store dosar med lokalbedøving.
Illustrasjonsfoto: Frank May / NTB scanpix

ANNONSE
Annonse
ANNONSE
Annonse