Tedesco klar som ny belgisk landslagssjef
Domenico Tedesco er presentert som Belgias nye landslagssjef i fotball. Italienaren har signert ein kontrakt ut 2024.
Det stadfestar Det belgiske fotballforbundet på nettsida si.
– Frå det første møtet kjende eg at alt stemde, vi var umiddelbart på same bølgjelengd. Eg er veldig motivert og gler meg til å komme i gang. Det er ei stor ære for meg å vere Belgias nye landslagstrenar, seier Tedesco.
37-åringen har vore arbeidslaus sidan han fekk sparken i Leipzig i september 2022. Tidlegare har han trena klubbar som Erzgebirge Aue, Schalke 04 og Spartak Moskva.
Tedesco tek over etter Roberto Martínez, som vart samd med forbundet om å avslutte arbeidsforholdet sitt då kontrakten hans gjekk ut ved nyttår.
(©NPK)
Kevin De Bruyne og resten av det belgiske landslaget har fått ny trenar. Foto: Svein Ove Ekornesvåg / NTB
