Telenor har løyst mesteparten av mobilproblema i Møre og Romsdal
Telenor og Telia har hatt problem med mobillinjene sine i Møre og Romsdal måndag, men no er mesteparten av dekninga i orden.
Det skriv politiet på Twitter.
Det er framleis utfordringar med dekninga enkelte stader, men mesteparten av det skal vere fiksa. Telenor jobbar med å få orden på dei resterande problema.
Feilen oppstod ved 11-tida måndag. Då opplyste politiet at det hovudsakleg gjaldt områda Vestnes, Rauma, Eresfjord og Sunndalsøra.
(©NPK)
