Nordre

Terrorfrykta fell i Danmark fem år etter angrep

Terrorfrykta i Danmark har falle. Det viser ei ny undersøking fem år etter at København vart ramma av terror mot eit kulturhus og ei synagoge.

Ein filminstruktør og ei jødisk vakt vart drepe, og fleire politifolk vart skadde då ein ung IS-sympatisør fyrte av ei rekkje skot i København 14. februar 2015. Gjerningsmannen vart seinare drepen av politiet.

I dag seier 18 prosent av danskane at dei fryktar terror. Det viser tal frå TrygFonden, som i ei tilsvarande undersøking frå 2017 fortalde om terrorfrykt hos 23 prosent av danskane. Tala er dermed på veg nedover.

Terrorfrykta til danskane vart likevel ikkje påverka av angrepet i 2015, seier TrygFondens forskingssjef Anders Hede. Han forklarer frykta frå 2017 med terrorangrep andre stader i Europa.

Etter 2015 er mellom anna Brussel, Nice, London, Manchester, Istanbul, Stockholm og Barcelona ramma av større angrep med eit høgt tal døde.

– Heldigvis er frykta til danskane for terror på veg tilbake til eit meir normalt nivå, noko vi ser i den nye tryggleiksmålinga vår, seier forskingssjefen.

(©NPK)

Frå ei tidlegare markering ved synagoga i København der ei jødisk vakt vart drepen 14. februar 2015. Tre personar mista livet i terroren. Foto: Nikolai Linares / NTB scanpix

ANNONSE
Annonse
ANNONSE
Annonse