Thorsnes einig om overgang til LSK

Elise Thorsnes (30) er tilbake i norsk fotball og har vorte einig med LSK Kvinner om ein kontrakt, skriv Romerikes Blad.

Ifølgje avisa har 30-åringen skrive under eittårskontrakt med årets seriemeister.

- Eg har spelt mykje mot LSK gjennom åra. Eg har òg scora nokre mål mot dei, men eg håpar eg kjem til å score fleire for dei, seier sogningen som kjem frå spel i amerikanske Utah Royals.

Landslagskollega Guro Reiten i LSK var ei viktig årsak til valet av norsk klubb.

- Guro Reiten! Vi trong fem minutt på ei landslagssamling for å forstå at vi forstår kvarandre ekstremt bra. Vi visste korleis vi skulle samarbeide frå første sekund. Det har eg knapt opplevd før. Vi kan bli ein livsfarleg duo, sa Thornes til RB.no.

VM-sluttspelet til sommaren blir spelt i Frankrike. Trekninga av VM-gruppene skjer 8. desember.

(©NPK)

Landslagsveteran Elise Thorsnes (30) skal spele for LSK Kvinner neste sesong. Foto: Terje Pedersen / NTB scanpix