Nordre

Ti millionar har fått koronavaksine i USA

Over ti millionar menneske har fått den første dosen sin med koronavaksine i USA, opplyser folkehelseinstituttet i landet.

Av dei nærare 30 millionar dosane med vaksinar frå Pfizer/Biontech og Moderna som er sende til delstatane, har drygt 10 millionar vorte brukte, ifølgje CDC.

Dei vaksinerte utgjer 3,1 prosent av USAs totale befolkning på rundt 330 millionar menneske. Vaksinane blir førebels ikkje gitt til barn.

Ingen land i verda har registrert fleire koronarelaterte dødsfall enn USA – over 380.000 amerikanarar har til no mista livet i pandemien.

Tysdag vart det registrert 4.470 nye dødsfall, det høgaste talet på eitt døgn hittil.

Det vart påvist 235.000 nye smitta, og det samla talet på smittetilfelle nærmar seg 23 millionar, ifølgje Johns Hopkins.

(©NPK)

Sjukeheimsbebuarar i Florida venta på å få vaksine tidlegare denne veka. Arkivfoto: Lynne Sladky / AP / NTB

ANNONSE
Annonse