Ti nye smitta i Bergen
Det siste døgnet er det registrert ti nye smittetilfelle i Bergen, opplyser kommunen. Tre av dei smitta har ukjend smitteveg.
Aldersspennet er frå 19 til 97 år, ifølgje kommunen.
Éin ny bebuar ved Slettemarken sjukeheim er smitta, og sjukeheimen har dermed to smitta. Det er no tolv bebuarar på sjukeheimar som er smitta.
Ein tilsett på Ulset sjukeheim har òg testa positivt. Ingen av bebuarane der er smitta, men fem av dei blir sette i karantene. 25 tilsette ved sjukeheimar er akkurat no smitta.
1.140 personar vart testa måndag.
(©NPK)
