Tidens Krav: Kristiansund skal truleg møte Manchester United i sommar

Onsdag opplyste Dagbladet at den engelske storklubben spelar mot Vålerenga på Ullevaal stadion og at kampen vil bli i tidsrommet 28. juli-3. august, altså under Norway Cup. Torsdag kalla Vålerenga saka «fake news» på Twitter.

Ifølgje Tidens Krav tyder alt på at det er Kristiansund som skal møte Ole Gunnars Solskjærs menn på Noregs nasjonalarena. Klubben ønsker verken å stadfeste eller avkrefte ryktet overfor lokalavisa.

Solskjær er oppvaksen i Kristiansund og spelte for Clausenengen før han signerte for Molde. I 1996 gjekk turen til Manchester United.

Dette er langt frå første gong ein storklubb besøkjer den norske hovudstaden. Tidlegare har både United, Liverpool, Real Madrid og Barcelona lagt ein oppkøyringskamp til Noreg.

(©NPK)

Ole Gunnar Solskjær frå Kristiansund er manager i Manchester United. Foto: Terje Pedersen / NTB scanpix