Tilrår nye smitteverntiltak i Kristiansand
Formannskapet i Kristiansand avgjer fredag om nye koronatiltak skal setjast i verk.
Til Fædrelandsvennen seier kommunedirektør Camilla Dunsæd at det blir tilrådd forbod mot fleire enn fem gjestar i private heimar, og forbod mot fleire enn fem i private arrangement i eit lokale.
Formannskapet skal fredag avgjere om tiltaka skal setjast i verk.
Ordførar Jan Oddvar Skisland seier han meiner tilrådingane høyrest fornuftige ut med tanke på kor mykje av smitten som oppstår i private heimar.
Torsdag melder kommunen om 25 nye registrerte smittetilfelle. 14 av dei smitta har kjent smitteveg. To har ukjend smitteveg, medan det blir arbeidd med smittesporing på dei ni siste.
I tillegg er 170 nye personar sette i karantene.
(©NPK)
Formannskapet i Kristiansand skal fredag avgjere om nye koronatiltak skal setjast i verk. Foto: Tor Erik Schrøder / NTB
