Nordre

To norske sykkelritt blir avlyste som følgje av viruskrisa

Både Ringerike Grand Prix og Sundvolden Grand Prix på sykkel er avlyste som følgje av tiltaka som er sette i verk rundt koronaviruset.

Det opplyser arrangøren i ei pressemelding onsdag.

Ritta skulle vore arrangerte 9. og 10. mai. Ritta er ein del av Det internasjonale sykkelforbundets Europe Tour.

«Ringerike Sykkelklubb finner det ikke forsvarlig å arrangere rittene basert på helsemyndighetenes prognoser for spredning av koronaviruset i Norge. Det er også av hensyn til situasjonen i landene hvor de utenlandske lagene kommer fra», heiter det i ei fråsegn.

Sundvolden Hotel, der laga skulle vore innkvarterte, har for tida gjort om delar av hotellet til helsehotell.

Dersom virussituasjonen endrar seg på sommaren, opnar arrangøren for å sjå på moglegheita for å avvikle ritta 29. og 30. august.

(©NPK)

Sykkelrittet Ringerike Grand Prix er avlyst. Her frå då Edvald Boasson Hagen vann rittet i 2007. Sidan den gong er det vorte eit eindagsritt. Foto: Jarl Fr. Erichsen / NTB scanpix

ANNONSE
Annonse
ANNONSE
Annonse