Trump hardt ut mot overnasjonale organ
USA er styrt av amerikanarar og vil aldri legge under seg overnasjonale organ, seier president Donald Trump i FN.
- Vi kjem aldri til å overgi USAs suverenitet til eit ikkje-valt, globalt byråkrati som ikkje blir stilt til ansvar av nokon, sa Trump då han tysdag talte i FNs hovudforsamling.
- USA blir styrt av amerikanarar, vi avviser ideologien globalisme og vi omfamnar doktrinen patriotisme, fortsette han.
Trump forsvarte avgjerda om å vende ryggen til FNs menneskerettsråd og Den internasjonale straffedomstolen (ICC), som han kallar truslar mot alle lands suverenitet.
FNs menneskerettsråd kalla han eit pinleg organ, og ICC har ifølgje Trump verken legitimitet eller autoritet.
(©NPK)
President Donald Trump talte tysdag i hovudforsamlinga i FN, men gjekk hardt ut mot overnasjonale organ. Foto: AP / NTB scanpix
