Nordre

Trump seier Tyrkias invasjon av Syria er ein «dårleg idé»

USAs president Donald Trump seier Tyrkias invasjon i Nord-Syria er ein dårleg idé, og at amerikanarane ikkje støttar militæraksjonen.

- USA støttar ikkje dette angrepet og har gjort det klart overfor Tyrkia at aksjonen er ein dårleg idé, seier Trump i ei fråsegn, der han òg presiserer at ingen amerikanske soldatar er i området.

Trump viser til at Tyrkia har forplikta seg til å verne sivile, religiøse minoritetar, og til å hindre at det oppstår ei humanitær krise. USA forventar at Tyrkia held fast ved forpliktinga.

USA gir òg Tyrkia ansvaret for å sikre at alle fengsla IS-krigarar blir verande i fengsel, og at terrorgruppa ikkje får nytt fotfeste i regionen.

(©NPK)

USAs president Donald Trump seier at den tyrkiske invasjonen av Nord-Syria er ein dårleg idé.
Foto: Alex Brandon / AP / NTB scanpix

ANNONSE
Annonse
ANNONSE
Annonse