Nordre

ANNONSE
Annonse

Trumps regjering avviser førespurnad om krisehjelp til brannramma California

President Donald Trumps regjering sa denne veka nei til Californias førespurnad om føderal krisestøtte til den skogbrannramma delstaten.

Årets skogbrannsesong har vore spesielt øydeleggjande i delstaten, med meir enn 8.500 registrerte brannar. Dei har herja eit område på 16.000 kvadratkilometer, og 31 personar har mista livet. 9.200 bygningar har brent ned.

Den demokratiske guvernøren i delstaten Gavin Newsom sende eit formelt brev med førespurnad om ei formell kriseerklæring til Det kvite hus 28. september, opplyser Brian Ferguson i krisestyresmakta i delstaten. Førespurnaden vart avvist, men detaljar om kvifor er ikkje kjende.

Ei slik erklæring opnar for å dele kostnadene til opprydding og gjenoppbygging med føderale styresmakter.

(©NPK)

Black Rock Inn i St. Helena i California brann den 27. september, offer for ein skog- og krattbrann i området. Foto: Noah Berger / AP / NTB

ANNONSE
Annonse
ANNONSE
Annonse