Nordre

Tryggingsrådet innkallar til Syria-krisemøte

FNs tryggingsråd møtest til krisemøte torsdag om situasjonen i Nord-Syria etter at Tyrkia onsdag starta ein offensiv i landet.

Det opplyser diplomatar til nyheitsbyrået AFP.

Møtet går bak lukka dører seint torsdag morgon og skjer på oppmoding frå Belgia, Frankrike, Tyskland og Storbritannia, ifølgje diplomatane.

Tyrkia starta onsdag ein varsla offensiv mot kurdiske militsgrupper nord i Syria. Tyrkia skuldar YPG-militsen for å vere ein arm av den kurdiske PKK-geriljaen, og det er kjent at ei stor mengde PKK-soldatar har kjempa saman med militsen i Syria. Tyrkia har både PKK og YPG på terrorlista si.

Kurdiske styrkar melder at to sivile er drepne i dei tyrkiske flyangrepa.

(©NPK)

ANNONSE
Annonse
ANNONSE
Annonse