Turistar risikerer ti års fengsel for tagging i Thailand
To 23 år gamle turistar risikerer opptil ti års fengsel i Thailand etter at dei tagga ein over 700 år gammal mur ved inngangen til gamlebyen i Chiang Mai.
Briten Furlong Lee og canadiaren Brittney Schneider vart arrestert torsdag, skulda for hærverk, opplyser politisjefen i Chiang Mai, Teerasak Sriprasert.
Ifølgje politiet spraya dei to teksten «Scouser Lee B» på den historiske muren. Scouser er britisk slang for Liverpool-født. Politiet tok dei to då dei vende tilbake til muren for å rette opp ein skrivefeil.
- Begge har tilstått lovbrotet. Dei har fortalt at dei var fulle, seier Teerasak.
Strafferamma for hærverk på historiske stader i Thailand er på heile ti års fengsel.
(©NPK)
