Annonse

TV 2 får åtvaring frå Medietilsynet for brot på reklamereglane

Medietilsynet har gitt TV 2 ei åtvaring etter brot på reglane om reklame. Kanalen sende reklame og øydela sjåaropplevinga under ein langrennssprint, ifølgje tilsynet.

Regelbrotet skjedde under verdscupen i langrennssprint på Lillehammer 3. desember i fjor då heata gjekk. Reklamesendinga førte også til at sjåarane ikkje fekk kommentatorlyd.

– I kortvarige øvingar som langrennssprint, er ikkje reklame på delt skjerm tillate. Medietilsynet har derfor gitt TV 2 ei åtvaring, seier direktør for juridisk og regulatorisk avdeling i Medietilsynet, Hanne Sekkelsten, i ei pressemelding.

Reglane opnar for å sende reklame på delt skjerm under direktesende storhendingar som går føre seg utan opphald, som til dømes Tour de France og andre storhendingar av lengre varigheit.

– Den kritikken vi fekk undervegs og i etterkant av sprintrennet i langrenn 3. desember, var på sin plass. Eg vil understreke at det ikkje handla om reklamen i seg sjølv, men plasseringa av ho, sa TV 2s pressesjef Jan-Petter Dahl til NRK i desember i fjor.

(©NPK)

Illustrasjonsfoto: Ned Alley / NTB

Annonse