TV 2: Iselin Nybø blir ny næringsminister
Iselin Nybø (V) overtar næringsministerposten frå Torbjørn Røe Isaksen (H), opplyser kjelder til TV 2.
Nybø (38) kjem frå posten som statsråd for forsking og høgare utdanning i Kunnskapsdepartementet, som ho har hatt sidan Venstre gjekk inn i regjeringa i januar 2018.
Næringsminister Torbjørn Røe Isaksen (H) ligg an til å overta Anniken Hauglies jobb som arbeids- og sosialminister, opplyser kjelder til fleire medium torsdag kveld.
Nybø er utdanna jurist ved Universitetet i Bergen. Ho vart vald inn på Stortinget i 2013.
Iselin Nybø overtar Torbjørn Røe Isaksens (H) jobb som næringsminister, ifølgje kjeldene til TV 2. Foto: Terje Bendiksby / NTB scanpix
