Tyfonvarsel for svømme-VM
Medan Henrik Christiansen og dei norske svømmarane førebur seg til svømme-VM i Sør-Korea, er det varsla om tyfon i den sørkoreanske byen Gwangju til helga.
Det er varsla store nedbørsmengder i form av regn, og kraftig vind når tyfonen Dana treffer dei sørlege delane av Koreahalvøya til helga.
Banesymjinga startar søndag, men vil truleg ikkje bli særleg ramma av uvêret sidan den føregår innandørs. Vasspolo, havsvømming og klippestup, som føregår utandørs, kan derimot bli utsett.
Fredag er det varsla store nedbørsmengder med 30-80 millimeter i timen. Tyfonen er gradert lågast på skalaen. Onsdag var det Filippinane som vart treft av tyfonen, men han no er på veg mot Taiwan.
Allereie onsdag starta dei lokale styresmaktene i Sør-Korea å førebu seg på uvêret. Politiet og det militære utførte tryggingsinspeksjonar av VM-arenaene.
Fire nordmenn deltar i svømme-VM. Henrik Christiansen skal i aksjon på 400 m, 800 m og 1500 m fri.
(©NPK)
Det er varsla om tyfon under svømme-VM i Sør-Korea, der blant andre Henrik Christiansen deltar. Foto: Fredrik Hagen / NTB scanpix
