Nordre

UD: Dødsstraffa i Somaliland er uakseptabel og må ikkje fullbyrdast

Utanriksdepartementet hadde fredag møte med Somalilands representant i Noreg. Dei gav beskjed om at dødsstraffa ein nordmann er idømd, ikkje må fullbyrdast.

– Vi gav i møtet tydeleg beskjed om at dødsstraffa er uakseptabel og ikkje må fullbyrdast, og at nordmannen må få tilgang til dei ordinære rettsprosessane, seier utanriksminister Ine Eriksen Søreide.

UD har jobba konsulært med saka sidan nordmannen vart arrestert for drap i Somaliland i april og har intensivert arbeidet etter at han vart dømd til døden onsdag.

– Utanriksdepartementet ser svært alvorleg på denne saka. Vi tek avstand frå all bruk av dødsstraff. Eg har stor forståing for at denne situasjonen er vanskeleg for både nordmannen og familien til mannen, seier Søreide.

(©NPK)

Utanriksminister Ine Eriksen Søreide seier Noreg har gitt tydeleg beskjed til Somaliland om at dødsstraffa ein nordmann er dømd til, ikkje er akseptabel.
Foto: Ørn E. Borgen / NTB

ANNONSE
Annonse
ANNONSE
Annonse