Uefa etterforskar Bulgaria for rasisme
Bulgarias heimepublikum blir skulda for rasistiske tilrop under EM-kvalifiseringskampen mot Kosovo måndag. Straffa kan bli å spele for tomme tribunar.
Bulgaria tapte overraskande 2-3 heime mot Kosovo 2. pinsedag og ligg sist i gruppe A i EM-kvalifiseringa.
Bulgaria er klaga inn til Det europeiske fotballforbundet (Uefa) fordi tilskodarar skal ha komme med rasistiske tilrop mot Kosovos spelarar, skriv BBC. Ei høyring skal haldast 18. juli, og dersom Uefa vel å reagere, kan heilt eller delvis tomme tribunar i neste heimekamp bli utfallet.
Bulgaria speler sin neste heimekamp mot England 14. oktober.
Også Latvia er skulda for supporterrasisme i kampen sin mot Israel.
(©NPK)
Joshua King i kamp mot Georgi Kostadinov og Bulgaria i nasjonsligaen i september i fjor. Bulgaria risikerer å måtte spele neste heimekamp for tomme tribunar etter skuldingar om rasisme. Foto: Terje Pedersen / NTB scanpix
