Uefa-sjefen meiner fotballsesongen framleis kan reddast
Dei europeiske fotballigaene har ikkje gitt opp å fullføre sesongane som er sette på vent av koronaviruset, fastslår Uefa-president Aleksander Ceferin.
Han meiner det er mogleg å fullføre seriespelet dersom pandemien er under kontroll og ein kan starte opp igjen seinast i juni.
– Vi kan starte opp igjen i midten av mai, i juni eller til og med seint i juni. Etter det vil sesongen truleg vere tapt, seier Ceferin til den italienske avisa La Repubblica.
Presidenten i Det europeiske fotballforbundet fortel at det går føre seg samtalar mellom forbundet og dei største ligaene og klubbane. Millionar av fans rundt om i Europa ventar spent på når fotballen igjen kan rulle.
– Det har òg komme forslag om å avslutte den noverande sesongen i byrjinga av den nesten, og deretter starte neste sesong litt seinare, seier Ceferin.
Kviterussland det einaste landet i Europa der det framleis blir spelt fotball.
(©NPK)
Aleksander Ceferin og Uefa ser på fleire moglegheiter for å få avslutta fotballsesongen. Foto: Peter Dejong / AP / NTB scanpix