United-sjefen trur Ronaldo spelar mot Villa

Manchester United-manager Ralf Rangnick har god tru på at Cristiano Ronaldo er tilbake på banen i Premier League-møtet med Aston Villa laurdag.

Portugisaren stod tidlegare denne veka over FA-cupmøtet med same klubb som følgje av ein hofteskade.

Før pressekonferansen på fredag var det knytt spenning til om måltjuven ville bli meldt klar for kamp. Det vart han langt på veg.

Manager Rangnick trur både Ronaldo, Jadon Sancho, Harry Maguire og Phil Jones er aktuelle for spel.

– Eg trur dei vil vere tilgjengelege. Dei trena for første gong i går – eller Cristiano i går, Harry dagen før. Slik det ser ut akkurat no, burde dei vere tilgjengelege i morgon, sa tyskaren.

United slo Aston Villa 1-0 i cupkampen på måndag. Laurdag er mannskapet til Steven Gerrard på jakt etter revansj.

United må klare seg utan Scott McTominay og Luke Shaw. Dei er begge suspenderte.

(©NPK)

Manchester Uniteds Cristiano Ronaldo spelar truleg mot Aston Villa. Foto: Dave Thompson / AP / NTB

ANNONSE
Annonse
ANNONSE
Annonse
ANNONSE
Annonse