Urokråka Morrison klar for Sheffield United

Det stadfestar den nyopprykte Premier League-klubben.

26-åringen var for nokre år sidan rekna som eit enormt talent i Manchester United, og var med å vinne FA Youth Cup saman med blant andre Paul Pogba og Jesse Lingard.

Sidan har karrieren gått opp og ned, og i periodar har han vorte overskygd av utanomsportslege hendingar.

Men talentet har det aldri vore tvil om, og Magnus Wolff Eikrem, som spelte med Morrison i United-systemet under blant andre Ole Gunnar Solskjær, sa dette om den nye Sheffield United-spelaren:

- Det er den beste unge spelaren eg nokon gong har sett. Han hadde eit utruleg talent. Spelarar som Paul Pogba og Joshua King såg opp til han, sa han til RBnett.

Morrison spelte sist i Östersund i Sverige. I tillegg har han òg vore i klubbar som Lazio og West Ham.

(©NPK)