Nordre

USA innfører toll mot Argentina og Brasil

USA skal igjen innføre toll på import av stål og aluminium frå Argentina og Brasil, opplyser president Donald Trump.

– Brasil og Argentina har stått for ei enorm devaluering av valutaene sine, noko som ikkje er bra for bøndene våre. Derfor, med umiddelbar effekt vil eg innføre toll på alt stål og aluminium som blir sendt til USA frå desse landa, skriv Trump på Twitter måndag.

Presidenten skriv òg at sentralbanken bør gripe inn, «slik at land, og det er mange av dei, ikkje lenger kan sko seg på vår sterke dollar ved å ytterlegare devaluere sin eigen valuta».

– Dei gjer det svært vanskeleg for industrien vår og bøndene våre å kunne eksportere produkt på ein rettferdig måte. Senk styringsrenta, skriv Trump.

(©NPK)

USAs president Donald Trump, her idet han kasta ein hatt då han gjekk på talarstolen under eit valmøte i Florida i førre veke, varslar toll på stål og aluminium frå Argentina og Brasil. Foto: AP / NTB scanpix

ANNONSE
Annonse
ANNONSE
Annonse